Carrasegare in Mamujada 1952

Carrasegare in Mamujada 1952

Pandela de sa vera sardidade

l’At bene custoida Mamujada

Singulare richesa chen’edade

dae seculos asie no est mudada

 

Pro sa Sardigna una identitade

est amirada est imbidiada

Est che unu condaghe in veridade

dae s’antigoriu nos est arrivada

 

S’issogadore cun cara ispozada

dat sos cumandos e cun sos carrones

a corfos sicos faghet sa sonada.

Sa Garriga cuncorda è Mamuthones

che tumbarinu falat cadenzada

comente sas arcaicas cantones.

 


Juanninu Fadda nasce a Fordongianus il 1 gennaio del 1892. Durante la sua vita ha esercitato il mestiere di fabbroferraio. Il 27 settembre 1914 si sposa con Giuseppina Ghisu che gli darà dieci figli. Per molti anni è stato uno dei più noti poeti estemporanei sui palchi delle feste di piazza, in disputa con improvvisatori del calibro di Tucconi, Sassu, Piras, Piredda, Sotgiu e Seu.

Giuanninu Fadda:

Nàschet in Fordongianus sa die de Annu Nou de su 1892 e fintzas isse a minore connoschet s’arrebentu de su disterru in Frantza. A pustis de àere fatu su sordadu in sa Gherra Manna, torrat in s’ìsula e iscoberit un’apentu mannu pro sa poesia a bolu chi aiat giai coltivadu finas in sos annos cando fiat disterradu pro more de s’amistade cun Barore Tucone. S’esòrdiu ufitziale in su palcu si faghet in su 1919 in Sòrgono e dae inoghe cumentzat sa carriera chi dd’acùrtziat meda a sos mannos de su tempus suo. Sa figura de Giuanninu Fadda est de interessu e significu pro cumprèndere comente sa poesia a bolu nascat in s’àrea setentrionale de s’ìsula (Logudoro, Meilogu, Anglona, Monte Acutu e àteras) pro s’ispàrghere in totue, conchistende a lenu·a lenu, ma sena pasu, su territòriu. Sos cantadores, chi cantant a sa moda setentrionale, los chircant in totu sas biddas finas de su Campidanu e a s’ispissu sunt preferidos a sos poetas de su logu chi cantant a moda meridionale. Sa gara e sa poesia “a lughe de luna” incantant sas trumas de populanos sardos a su puntu de divenire unu fatu de costuma. Pro su chi pertocat Fadda bidimus s’apentu de unu cantadore a bolu chi non cantat nen mancu in sa variedade de sardu naturale sua, ma s’isfortzat de sighire unu modellu de “limba comuna” de sos cantadores a bolu. Durante sa bida at fatu su maistru ferreri. Su 27 de cabudanni 1914 si còjuat cun Giusepina Ghisu chi l’at a dare deghe fìgios. Morit in sa bidda ue est nàschidu su 5 de cabudanni de su 1981, a s’edade de 89 annos. In su campusantu de Fordongianus si podet ammirare sa pedra de sa tumba sua cun una dèdica in limba sarda.

Condividi
  •  
  •  
  •  
  •  
  •  

Lascia un commento

Il tuo indirizzo email non sarà pubblicato. I campi obbligatori sono contrassegnati *

Time limit is exhausted. Please reload the CAPTCHA.